Bu ilin avqustun 1-nə Azərbaycanda fəaliyyət göstərən banklar və qeyri-banklar tərəfindənev təsərrüfatlarına qoyulmuş kreditlərin həcmi 17,972 milyard manata çatıb.
Bu barədə Gundelik.az Azərbaycan Mərkəzi Bankından (AMB) məlumat əldə edib.
Məlumata görə, bu göstərici aylıq müqayisədə 170,2 milyon manat və ya 1%, ötən ilin eyni dövrü ilə müqayisədə isə 2,3 milyard manat və ya 14,9% çoxdur.
Qeyd edək ki, ümumilikdə, hesabat dövründə Azərbaycanda real sektora kredit qoyuluşu üzrə kredit portfeli 30,258 milyard manat təşkil edib.
Bu da aylıq müqayisədə 26,1 milyon manat və ya 0,1%, 2024-cü ilin eyni dövründəki göstərici ilə müqayisədə isə 3 milyard manat və ya 11% artım deməkdir.
Gundelik.az