Elm və təhsil naziri Emin Əmrullayev dərsliklərdə olan dil problemlərindən danışıb.
Gundelik.az xəbər verir ki, E.Əmrullayev Milli Məclisdə “Azərbaycan dilinin dövlət dili kimi inkişaf strategiyası: Mövcud vəziyyət və perspektivlər” mövzusuna həsr edilən Konfransda çıxışı zamanı deyib ki, hazırda dərsliklər daha çox fərdi müəlliflərin şəxsi yanaşmalarına əsaslanaraq hazırlanır.
Onun sözlərinə görə, bu isə tədris prosesində standartlaşmanın olmamasına və metodik problemlərə səbəb olur. Nazir əlavə edib ki, bu sahədə tədqiqatların aparılması vacibdir.
