Pizza şəbəkəsi “Domino’s Pizza” 2025-ci maliyyə ilinin ikinci rübündə gəliri 4% artıb, xalis mənfəəti isə 8% azalıb.
Gundelik.az şirkətin hesabatına istinadən xəbər verir ki, rüblük gəlir ötən ilin eyni rübündəki 1,1 milyard dollarla müqayisədə 1,15 milyard dollar olub.
İyunun 15-də başa çatan rübdə “Domino’s Pizza”nın xalis gəliri bir il əvvəlki 142 milyon dollardan 131,1 milyon dollara düşüb. Səhm üzrə qazanc 4,03 dollardan 3,81 dollara düşüb, lakin LSEG tərəfindən sorğu edilən analitiklərin 3,95 dollarlıq konsensus təxminini üstələyib.
Xalis mənfəətin azalması, xüsusən də şirkətin Çindəki “Domino’s Pizza” şəbəkəsinin operatoru olan “DPC Dash Ltd”yə yatırdığı investisiyanın qiymətləndirilməsində dəyişikliklə bağlıdır.
Dominonun ABŞ-dəkı eyni mağaza satışları rübdə 3,4% artaraq analitiklərin 2,2% orta proqnozunu üstələyib. Xaricdə eyni mağaza satışları 2,4% artıb.
Domino’s ötən rübdə 30-u ABŞ-də olmaqla 178 restoran açıb.
Şirkətin səhmləri bazar ertəsi premarket ticarətində 5,3% artaraq bu il 11% qazanc əldə edib.
Gundelik.az
