Hindistanın ən böyük hava yolu şirkəti “IndiGo”nun bazar dəyəri uçuşların ləğvinə görə 4,3 milyard dollar azalıb.
Gundelik.az bu barədə “Bloomberg”ə istinadən xəbər verir.
Aviaşirkətin səhmləri isə 7,6% azalıb.
Qeyd edək ki, ölkənin müxtəlif şəhərlərində hava limanlarında davam edən əməliyyat fasilələri səbəbindən aviaşirkət dekabrın 2-dən bəri artıq 4500-dən çox reysi ləğv edib.
Əlavə edək ki, Hindistanın daxili və beynəlxalq hava trafikinin 60%-ni təşkil edən “IndiGo”, 400-dən çox təyyarə parkına malikdir. Aviaşirkət gündə adətən 2000-dən çox uçuş həyata keçirir.
