ABŞ Prezidenti Donald Tramp və diplomatik mənbələrdən əldə edilən məlumata görə, 7 aprel tarixində elan olunmuş iki həftəlik atəşkəsin bitmə vaxtı dəqiqləşib.
Reuters agentliyinin danışıqlarda iştirak edən pakistanlı mənbəyə istinadən verdiyi xəbərə görə, atəşkəs:
22 aprel çərşənbə günü, ABŞ-ın Şərq sahili vaxtı ilə saat 20:00-da rəsmi olaraq başa çatacaq.
Bu, Türkiyə vaxtı ilə 23 aprel saat 03:00,
İran yerli vaxtı ilə isə 23 aprel səhər 03:30 deməkdir.
Tramp: “Uzatma ehtimalı çox aşağıdır” Prezident Tramp Bloomberg News-a verdiyi açıqlamada bildirib ki, atəşkəsin Vaşinqton vaxtı ilə çərşənbə axşamı bitəcəyini gözləyir.
O, tərəflər arasında yeni razılaşma əldə olunmasa, atəşkəsin uzadılmayacağına işarə edərək, uzadılma ehtimalını “son dərəcə aşağı” kimi qiymətləndirib.
Proses necə inkişaf edib?
Atəşkəs əvvəlcə 7 aprel axşamı elan olunub.
İlkin olaraq 21 apreldə bitməsi gözlənilirdi.
Lakin son vəziyyətə görə müddət çərşənbə gecəsinə qədər uzadılıb.
Əgər 22 aprel saat 20:00-a qədər diplomatik razılaşma əldə olunmasa, bölgədə hərbi gərginliyin yenidən artması ehtimal edilir.
Mənbə: TRT Haber
Hazırladı: Ziyalə Əhmədli
Gundelik.az
