Pakistan və Əfqanıstan arasında uzun müddətdir davam edən sərhəd toqquşmaları bu gün açıq müharibəyə çevrilib və dəhşətli itkilərlə nəticələnib. Rəsmi məlumatlara görə, 200-dən çox insan həlak olub və iki tərəf arasında ağır döyüşlər davam edir.
TƏHSİL NAZİRİNİN ÖLDÜRÜLMƏSİ İDDİAS
Pakistan ordusu Şəvval vadisində Taliban hərbi postunun ələ keçirildiyini elan edib. Həmçinin iddia edilib ki, Taliban təhsil naziri Neda Məhəmməd Nadim Pakistanın eyni cəbhə xəttindəki hava hücumlarında öldürülüb. Lakin bu məlumat hələ rəsmi olaraq təsdiqlənməyib. Pakistan Müdafiə Nazirliyi düşmən mövqelərinin məhv edildiyini və çoxsaylı hərbi məntəqələrin nəzarət altına alındığını açıqladı. Əməliyyatlar xüsusilə Talibanın qərargah və mövqelərini hədəf aldı. Bölgədə hava hücumları intensivləşdi və Pakistan Hərbi Hava Qüvvələrinin Kabil, Qəndəhar və Paktiya kimi vacib yerləri bombardman etdiyi bildirildi. Bu hücumların iki tərəf arasında gərginliyi daha da artırdığı deyilir.
MÜLKİ ŞƏXSLƏRİN HƏYATI CİDDİ TƏHLÜKƏDƏDİR
Münaqişənin müharibəyə çevrilməsi Cənubi Asiyada uzun müddətdir davam edən gərginliyin ən ciddi mərhələsini təmsil edir. Durand Xətti boyunca bu yeni mərhələ iki ölkə arasında sülhə olan ümidləri zəiflədir və bölgədəki mülki şəxslərin həyatını ciddi şəkildə təhdid edir.
Mənbə:Haberler.com
Tərtib etdi :Səid Mikayılzadə
Gundelik.az
