Bəzən bir evin divarları təkcə daşdan hörülmür – o divarların içində xatirələr yaşayır, səslər əks-səda verir, illərin izi görünməz şəkildə qalır. Bir torpaq parçası isə sadəcə sərhədlərlə ölçülmür; o, insanın keçmişi, bu günü və bəzən də gələcəyi ilə bağlanır. Elə buna görə də əmlak üstündə yaranan mübahisələr çox vaxt kağız üzərində deyil, qəlbin dərinliyində baş verir.
İnsanlar mülkiyyət uğrunda mübarizə apararkən əslində çox vaxt itirdiklərinin fərqinə varmır – bir söz, bir münasibət, bir bağ… Halbuki hər qarşıdurmanın içində görünməyən bir ehtimal da var: barışmaq, anlamaq və bölüşərək yüngülləşmək. Bu ehtimalı gerçəyə çevirən isə nə qanunların sərt dili, nə də qərarların kəskin hökmüdür. Bu, dialoqun səssiz gücüdür.
Gundelik.az xəbər portalı olaraq bu dəfə yolumuzu məhz bu səssiz gücün ünvanına – Bakı 25 saylı Mediasiya Təşkilatına saldıq. Burada mübahisələr yalnız həll edilmir, həm də dinlənilir; tərəflər yalnız danışmır, həm də anlaşılır.
Təşkilatın rəhbəri Aqil Əsgərov ilə söhbətimiz isə adi bir müsahibədən daha çox, bir həqiqətin xatırladılması oldu: bəzən ən böyük mülkiyyət insanın qazandığı deyil, qoruyub saxladığı münasibətlərdir.
