Venesuelada iyunun 24-də baş vermiş iki güclü zəlzələ nəticəsində həyatını itirənlərin sayı 4930 nəfərə yüksəlib.
Venesuela Milli Assambleyasının sədri Xorxe Rodriges sosial şəbəkə hesabında zəlzələlərlə bağlı son məlumatları paylaşıb.
O bildirib ki, son məlumatlara əsasən, ölənlərin sayı daha 101 nəfər artaraq 4930-a çatıb. Yaralananların sayı isə 16740 nəfər təşkil edir.
Rodriges qeyd edib ki, iyunun 24-dən etibarən bölgədə ümumilikdə 1308 afterşok (təkrar yeraltı təkan) qeydə alınıb.
Venesuelada iki güclü zəlzələ baş vermişdi
ABŞ Geoloji Xidməti (USGS) iyunun 24-də Venesuelada 39 saniyə fasilə ilə 7,2 və 7,5 bal gücündə iki zəlzələnin baş verdiyini açıqlamışdı.
BMT-nin İnkişaf Proqramı (UNDP) isə iyunun 26-da yaydığı hesabatda zəlzələlərin birbaşa vurduğu fiziki ziyanın dəyərinin təxminən 6,7 milyard ABŞ dolları olduğunu bildirmişdi.
Ölkədə axtarış-xilasetmə əməliyyatları davam edir. Rəsmilər dağıntılar altında qalan insanların olması səbəbindən ölən və yaralananların sayının artacağından narahat olduqlarını bildirirlər.
Mənbə:TRT Haber
Hazırladı:Ziyalə Əhmədli
Gundelik.az
