ABŞ Ədliyyə Nazirliyi çərşənbə axşamı Jeffrey Epsteinlə bağlı sənədlərin ən son və indiyədək ən böyük hissəsini yayımlayıb.
11 mindən çox sənəddən ibarət bu paket cümə günündən başlayan məlumat axınının davamıdır. Bu açıqlamalar Ədliyyə Nazirliyini mərhum pedofil və maliyyəçi Jeffrey Epsteinlə bağlı bütün istintaq materiallarını ictimaiyyətə təqdim etməyə məcbur edən yeni qanunun müəyyən etdiyi son tarix çərçivəsində həyata keçirilir.
Çərşənbə axşamı yayımlanan sənədlərin bir çoxu redaktə olunub — adlar və bəzi məlumatlar qara rənglə örtülüb. Buraya FBI-nin Epstein işi üzrə mümkün şəriklər kimi qeyd etdiyi şəxslərin adları da daxildir.
Ədliyyə Nazirliyi sənədlərdəki geniş miqyaslı redaktələrə görə həm Demokrat, həm də Respublikaçı qanunvericilərin tənqidinə məruz qalıb. Qanuna əsasən, redaktələr yalnız qurbanların kimliyini və ya davam edən cinayət istintaqlarını qorumaq məqsədi ilə edilə bilər.
Prezident Donald Trampın adı bu yeni sənədlərdə əvvəlki açıqlamalara nisbətən daha çox yer alır. Sənədlərin bir qismi onu xatırladan media materiallarıdır, lakin diqqət çəkən məqamlardan biri federal prokurordan olan bir e-poçtdur. Həmin məktubda Trampın Epsteinə məxsus təyyarə ilə uçduğu qeyd olunur.
Ədliyyə Nazirliyi bəyan edib ki, bəzi sənədlər Tramp barədə “həqiqətə uyğun olmayan və sensasiyalı iddialar” ehtiva edir.
Mənbə:BBC
Hazırladı: Ziyalə Əhmədli
Gundelik.az