ABŞ Prezidenti Donald Tramp Truth Social hesabında Papa Leo ilə aralarında böyüyən gərginliklə bağlı yeni açıqlama verib.
Tramp yazıb: “Kimsə xahiş edirəm Papa Leoya desin ki, İran son iki ayda ən azı 42 min günahsız və tam silahsız etirazçını öldürüb və İranın nüvə bombasına sahib olması qətiyyən qəbul edilə bilməz.”
O, paylaşımına “Amerika geri döndü” qeydini də əlavə edib.
Bu açıqlama, Trampın iki gün əvvəl Papa Leonu “cinayət məsələsində zəif” və “xarici siyasətdə bərbad” adlandırmasından sonra gəlib.
Gərginlik, ABŞ-da doğulmuş ilk papa olan Papa Leonun ABŞ və İsrailin İrana qarşı apardığı müharibəni tənqid etməsi ilə artıb. Papa Leo bildirib ki, Tramp administrasiyasından qorxmur və müharibənin dəhşətlərini pisləməyə davam edəcək.
Ölənlərin sayı ilə bağlı qeyri-müəyyənlik qalır
Trampın İranla bağlı etirazlarda 42 min nəfərin öldüyü iddiasının əsası hələ dəqiq deyil.
İran hökuməti: 3.117 nəfər
Xaricdəki qruplar: təxminən 7.000 nəfər
BMT-nin İran üzrə xüsusi məruzəçisi Mai Soto: ən azı 5.000 nəfər, amma real rəqəm 20.000-ə çata bilər
Digər tərəfdən, Birləşmiş Millətlər Təşkilatının nüvə nəzarət qurumu İranın nüvə silahı hazırladığına dair hər hansı sübutun olmadığını bildirib.
Mənbə: TRT Haber
Hazırladı: Ziyalə Əhmədli
Gundelik.az
