Tayvanın okean məsələləri naziri Kuan Bi-ling bölgədə gərginliyin artdığı bir vaxtda Cənubi Çin dənizində Tayvanın nəzarətində olan kiçik adaya nadir səfər edib. O, Itu Aba adasında sahil mühafizəsinin təlimlərini izləyib.
Bu ada yalnız Tayvana aid sayılmır — Çin, Vyetnam və Filippin də buraya iddia edir. Çin həmçinin Tayvanı öz ərazisinin bir hissəsi hesab edir, baxmayaraq ki, Tayvan özünü müstəqil idarə edir.
Kuanın səfəri ABŞ və Filippinin Filippində indiyə qədər ən böyük birgə hərbi təlimlər keçirdiyi vaxta təsadüf edir. Bu təlimlər Çinin narazılığına səbəb olub.
Eyni vaxtda:
Çin Cənubi Çin dənizinə yeni amfibiya hərbi gəmi göndərib
Tayvan boğazına isə təyyarədaşıyan gəmi çıxarıb
Tayvanın Itu Aba adasındakı təlimlərdə belə bir ssenari canlandırılıb: silahlı sahil mühafizəçiləri çağırışlara cavab verməyən şübhəli yük gəmisini saxlayır və nəzarətə götürür.
Yayılan görüntülərdə xüsusi təyinatlı qüvvələrin silahlı şəkildə gəminin idarəetmə otağına daxil olduğu göstərilib.
Adada təxminən 200 nəfər yaşayır. Taiping Island Spratli adaları arasında ən böyük təbii adadır və burada hava zolağı ilə xəstəxana da mövcuddur.
2016-cı ildə beynəlxalq məhkəmə bu ərazini “ada” yox, “qaya” kimi tanıyıb. Bu isə o deməkdir ki, Tayvan yalnız 12 dəniz mili ətrafında resurs hüququna malikdir (200 mil yox). Həm Tayvan, həm də Çin bu qərarı qəbul etmir. 2024-cü ildə Tayvanın keçmiş xarici işlər naziri Joseph Wu bildirib ki, Çin bu ərazi ətrafında böyük hərbi bazalar qurub.
Mənbə: BBC
Hazırladı: Ziyalə Əhmədli
Gundelik.az
