Qlobal turizm və səyahət sənayesinin bazar dəyərləri yenidən formalaşıb. Companiesmarketcap tərəfindən paylaşılan son məlumatlara görə, dünyanın ən dəyərli turizm şirkətlərinin reytinqində əhəmiyyətli dəyişikliklər baş verib.
Uzun müddətdir siyahının başında olan Airbnb ikinci yerə düşüb, Booking Holdings isə birinci yeri tutub. Bu dəyişiklik rəqəmsal sifariş platformaları ilə ənənəvi səyahət texnologiyaları şirkətləri arasında rəqabət səviyyəsini vurğulayıb.
Siyahıya 129,73 milyard dollarlıq bazar kapitallaşması ilə Booking Holdings başçılıq edir. Şirkət qlobal sifariş bazarında güclü mövqeyini qoruyub saxlayaraq sektorda liderliyini davam etdirib.
Airbnb 79,12 milyard dollarlıq bazar kapitallaşması ilə ikinci yerdə qərarlaşıb. Yüksək dəyərinə baxmayaraq, qısamüddətli yaşayış modelində qabaqcıl olan şirkət, birinci yer uğrunda yarışda geridə qalıb.
Siyahının daha aşağısında Trip.com 29,86 milyard dollarlıq bazar kapitallaşması ilə üçüncü yerdədir. Expedia Group isə 27,09 milyard dollarlıq kapitallaşma ilə dördüncü yerdədir.
Tərtib edən: Cəfərova Kəmalə
İstinad: GZT
Gundelik.az
