ABŞ ilə İran arasında mümkün razılaşmaya dair nikbinlik qızıl bazarında yüksəlişi gücləndirib. Xüsusilə ABŞ dollar indeksi zəifləyib, qızılın unsiyası isə kəskin bahalaşıb. Bu təsirlərlə qram qızıl günə 2,3% artımla başlayaraq 6 779 lirəyə qədər yüksəlib.
Dünya bazarlarında unsiya qiymətinin artmasına paralel olaraq qram qızıl da dünən 0,8% bahalaşaraq günü 6 624 lirə səviyyəsində başa vurmuşdu.
Bu gün saat 09:30-a olan məlumata görə:
Qram qızıl: 6 779 lirə (+2,3%)
Çeyrək qızıl: 11 140 lirə
Cümhuriyyət qızılı: 44 430 lirə
Qızılın unsiya qiyməti isə əvvəlki bağlanışdan 2,3% yuxarı qalxaraq 4 660 dollar səviyyəsində ticarət olunur.
ABŞ Prezidenti Donald Trump tərəfindən Özgürlük Projesi çərçivəsində həyata keçirilən təşəbbüsün müvəqqəti dayandırılması və İranla yekun razılaşmaya doğru ciddi irəliləyişin olduğunu bildirməsi bazarlara təsir edib.
ABŞ–İran münasibətlərində yumşalma gözləntiləri neft qiymətlərinin düşməsinə səbəb olub. Bu isə inflyasiya və uzun müddət yüksək faiz dərəcələri ilə bağlı narahatlıqları azaldaraq qızıl qiymətlərini dəstəkləyib.
Eyni zamanda dolların zəifləməsi dollarla qiymətləndirilən qızıl kimi aktivləri daha ucuz göstərir və investor tələbinin artmasına gətirib çıxarır.
Analitiklər bildirirlər ki, bu gün ölkə daxilində mühüm iqtisadi göstəricilər gözlənilmir. Xaricdə isə ABŞ-da özəl sektor məşğulluq məlumatları, Avrozonada istehsal qiymət indeksi və xidmət sektoru üzrə PMI göstəriciləri izlənəcək.
Mənbə: TRT Haber
Hazırladı: Ziyalə Əhmədli
Gundelik.az
