OnePlus yenidən mobil oyunlara fokuslanır və bu dəfə xüsusi controller təqdim edib. “Strix G15” adlı bu aksesuar yeni OnePlus Ace 6 Ultra üçün hazırlanıb və telefonu əl konsoluna çevirir.
Controller USB-C vasitəsilə birbaşa telefona qoşulur və cihazı tam əhatə edən dizayna malikdir. Bu da ona konsol tipli tutuş verir. Ən diqqətçəkən hissə isə əlavə fiziki çiyin düymələri, əlavə idarəetmə butonları və uzun oyun seansları üçün daha rahat erqonomik tutacaqlardır. Düymələr mikro-switch texnologiyası ilə işləyir, 1000Hz polling rate və çox aşağı gecikmə təklif edir.
OnePlus bu aksesuarla Ace 6 Ultra-nı daha çox oyun yönümlü bir telefon kimi təqdim edir. Xüsusilə rəqabətli atıcı oyunlar (shooters) əsas hədəf kimi görünür. Şirkət hibrid idarəetmə yanaşmasını saxlayır: baş barmaqlar ekran üzərində hərəkət və nişan alma üçün qalır, şəhadət barmaqları isə trigger və əlavə düymələri idarə edir.
Controller-in əlavə üstünlükləri də var:
Pass-through şarj dəstəyi (oynayarkən şarj etmək mümkündür)
Uzun oyunlarda performansı qorumaq üçün soyutma aksesuarına yer
Bağlantını stabilləşdirmək üçün daxili antenna
Buna baxmayaraq, cihaz əsasən OnePlus Ace 6 Ultra üçün nəzərdə tutulub və hazırda yalnız Çində satışa çıxarılıb. OnePlus hələ nə telefonun, nə də Strix G15 controller-in qlobal bazara çıxacağını təsdiqləməyib. Buna görə də digər ölkələrdə istifadə etmək çətin görünür.
Mənbə: Digital Trends
Hazırladı: Ziyalə Əhmədli
Gundelik.az
