Son araşdırmalar səhər yeməyinin vaxtının metabolizmin sürətinə gözlənilməz təsir göstərə biləcəyini ortaya qoyur. Başqa sözlə, günün ilk qidasının nə vaxt qəbul edilməsi metabolizmin fəaliyyəti baxımından düşünüldüyündən daha əhəmiyyətlidir. Bu, qan şəkərinin nəzarətdə saxlanmasına və gün ərzində iştahanın daha yaxşı idarə olunmasına kömək edir. Lakin yağ yandırılmasını artırmaq üçün yalnız saata diqqət yetirmək kifayət deyil. Məhz buna görə mütəxəssislər qidalanmanın ümumi keyfiyyətinin və həyat tərzinin də vacib olduğunu vurğulayırlar.
Arıqlama prosesində yalnız səhər yeməyində qəbul edilən qidalar deyil, yeməklərin vaxtı da əhəmiyyət daşıyır. Mütəxəssislərin fikrincə, günün əsas qidalanma mərhələlərindən biri olan səhər yeməyi tamamilə ötürülməməlidir. Çünki orqanizmin bioloji ritminə uyğun qidalanmaq enerji mübadiləsinə müsbət təsir göstərir.
Metabolizm və qan şəkəri balansı üçün bu məqama diqqət!
Səhər yeməyinin oyandıqdan sonra ilk 30–60 dəqiqə ərzində qəbul edilməsi metabolizm sağlamlığı və qan şəkərinin tarazlığının qorunması baxımından ideal hesab edilir.
Səhər saatları metabolizm üçün niyə əhəmiyyətlidir?
Orqanizmin bioloji ritmi hormonların və enerji mübadiləsinin gün ərzində dəyişməsinə səbəb olur.
Səhər saatlarında insulinə həssaslığın adətən daha yüksək olması qəbul edilən qidaların enerji kimi istifadə olunmasını dəstəkləyir.
Səhər yeməyi niyə gecikdirilməməlidir?
İlk yeməyin günün daha sonrakı saatlarına saxlanılması bəzi hallarda gün ərzində aclıq və toxluq balansına mənfi təsir göstərir.
Gec saatlarda çox miqdarda qida qəbul etmək isə ümumi kalori qəbulunun artmasına və yuxu rejiminin pozulmasına səbəb olur.
Yağ yandırılmasını dəstəkləmək üçün bunlara diqqət edin!
Səhər yeməyində yumurta, qatıq, pendir, yulaf və tərəvəz kimi zülal və liflə zəngin qidalara üstünlük vermək daha uzun müddət tox qalmağa kömək edir.
Arıqlamağa kömək edir
Bununla yanaşı, müntəzəm fiziki aktivlik, kifayət qədər yuxu və gündəlik enerji balansının qorunması yağ itkisində yemək saatından daha çox əhəmiyyət daşıyır.
Mənbə:CNN Türk
Hazırladı:Ziyalə Əhmədli
Gundelik.az
