İtaliyada şiddətlənən istilər 27 böyük şəhərin hamısı üçün ən yüksək xəbərdarlıq səviyyəsi olan “qırmızı xəbərdarlıq” elan edilməsinə səbəb olub.
Gundelik.az xəbər verir ki, bu barədə İtaliyanın “ANSA” agentliyi məlumat yayıb.
İtaliya Səhiyyə Nazirliyinin yayımladığı bülletenə görə, artıq 25 şəhəri əhatə edən 3-cü səviyyəli “qırmızı xəbərdarlıq” sisteminə daha iki şəhər əlavə edilib.
Qırmızı xəbərdarlıq altında olan şəhərlərin bəzi ərazilərində temperaturun 40 dərəcə Selsiyə çatacağı və istiliyin ən azı bir həftə davam edəcəyi proqnozlaşdırılır.
Səhiyyə Nazirliyi bildirib ki, “3-cü səviyyə” qırmızı xəbərdarlıq uzun müddət davam edən həddindən artıq istiliyin bütün əhali üçün sağlamlıq riski yaratdığı anlamına gəlir.
Bu, İtaliyanın bu il dördüncü dəfə şiddətli isti dalğası ilə qarşılaşmasıdır.
