Google, Apple CarPlay üzərindən naviqasiya təcrübəsini növbəti səviyyəyə çıxarmağa hazırlaşır. Tətbiqin kodlarında aparılan son analizlər göstərir ki, Google Maps-in CarPlay versiyası üçün Gemini süni intellekt inteqrasiyası üzərində iş gedir.
Bu yenilik reallaşarsa, sürücülər artıq telefonlarına toxunmadan Google-un inkişaf etmiş AI köməkçisi ilə birbaşa səsli şəkildə əlaqə saxlaya biləcəklər.
Daha ağıllı və danışa bilən naviqasiya
Kod analizlərinə əsasən, Gemini dəstəyi sürücülərə aşağıdakı imkanları verə bilər:
Əllərsiz idarəetmə:
Naviqasiyanın tamamilə səs əmrləri ilə idarə olunması, beləliklə sürüş təhlükəsizliyinin artırılması.
Kontekstual məlumat:
“Haritalara soruş” (Ask Maps) funksiyasına bənzər şəkildə, gedilən yer haqqında ətraflı tövsiyələr və səyahət məlumatları almaq.
Real vaxt dəstəyi:
Marşrut üzərində ehtiyaclara görə daha təbii və axıcı dialoq qurmaq.
CarPlay ekosistemində AI yarışı
Apple CarPlay üçün iOS 26.4 ilə üçüncü tərəf tətbiqlərə və səsli köməkçilərə daha geniş dəstək gəlməsi gözlənilir. Bu da belə inteqrasiyaların yolunu açır.
Google isə Gemini-ni birbaşa Google Maps üzərindən CarPlay-ə gətirməklə strateji bir addım atır. Eyni zamanda OpenAI (ChatGPT), xAI (Grok) və Perplexity AI kimi platformaların da avtomobil sistemlərinə inteqrasiyası üzrə rəqabət artır.
Google hələ rəsmi buraxılış tarixini açıqlamayıb, amma kod səviyyəsində hazır olması bu funksiyanın yaxın zamanda istifadəçilərə təqdim oluna biləcəyini göstərir.
Mənbə:TRT Haber
Hazırladı:Ziyalə Əhmədli
Gundelik.az
