Rusiya Federasiyasının Dağıstan Respublikasının paytaxtı Mahaçqalada on mərtəbəli yaşayış binasında partlayış baş verib.
Gundelik.az xəbər verir ki, bu barədə Rusiya Fövqəladə Hallar Nazirliyinin Dağıstan üzrə İdarəsi “Telegram” kanalında məlumat yayıb.
Nazirlikdən verilən məlumata görə, partlayış Beybulatov küçəsində yerləşən evdə baş verib. Nəticədə iki nəfər xəsarət alaraq Vişnevski adına Respublika Klinik Xəstəxanasının yanıq mərkəzinə yerləşdirilib.
“Sakinlər təxliyyə edilməyib, çökmə yoxdur, iki pəncərə çərçivəsi sınıb. Hazırda hadisə yerində 30 mütəxəssis və 9 texnika işləyir”, – məlumatda qeyd olunub.
Gundelik.az
