Dağıstanın Maqaramkent rayonunun beş kəndində kəskin bağırsaq infeksiyası baş verdikdən sonra 110 yerli sakinə tibbi yardım göstərilib, onlardan 18-i hazırda xəstəxanada müalicə olunur.
Bu barədə Gundelik.az xarici mediaya istinadən xəbər verir.
İlkin məlumatlara görə, xəstəlik halları su ilə bağlıdır. Hazırda epidemiyanın inkubasiya dövründə lokallaşdırılması üçün kompleks tədbirlər həyata keçirilir.
Faktla bağlı Dağıstan Prokurorluğu və Rusiya Federasiyası İstintaq Komitəsinin respublika üzrə İstintaq İdarəsi araşdırma aparır.
Bundan əvvəl bildirilmişdi ki, Rospotrebnadzor əməkdaşları iyulun 7-də respublikanın Maqaramkent rayonunun Maqaramkent, Kuysun, Gilar, Qaptsax və Verxniy Taqirkent kəndlərində kəskin bağırsaq infeksiyasına çoxlu yoluxma halları barədə daxil olan məlumatları araşdırır.
Gundelik.az
