Avropa Komissiyası (AK) bazar ertəsi Ukraynaya silah alışı üçün 6,1 milyard avro ayrılmasını təsdiqləyib.
Gundelik.az xəbər verir ki, bu barədə AK-nın açıqlamasında deyilir.
“Ukraynanın Müstəqillik Günündə Avropa öz sarsılmaz və konkret dəstəyini nümayiş etdirir. Bu gün biz Ukraynanın böyük ehtiyac duyduğu hava hücumundan müdafiə və raket əleyhinə müdafiə sistemləri, raketlər, döyüş sursatları və radarlara 6,1 milyard avro ayrılmasını təsdiq etdik. Rusiyanın hücumlarının gücləndiyi şəraitdə biz Ukraynaya öz xalqını qorumağa və hava məkanının müdafiəsinə kömək etmək üçün fəaliyyətimizi artırırıq. Avropa Ukraynanı dəstəkləyir və lazım olanda ona bütün zəruri olanı təqdim edəcəyik”, – açıqlamada AK-nın sədri Ursula fon der Lyayenin sözlərinə istinadən deyilir.
