Tramp və Putin Ukrayna müharibəsini müzakirə etdi: Görüşdən hansı mesajlar verildi?
ABŞ və Rusiya prezidentlərinin Çində baş tutan təması beynəlxalq gündəmin diqqət mərkəzinə düşüb. Donald Tramp və Vladimir Putin arasında keçirilən görüşdə Ukraynada davam edən müharibənin nizamlanması, eləcə də Vaşinqton-Moskva münasibətlərinin gələcək istiqamətləri müzakirə olunub.
Gündəlik.az xəbər verir ki, bu barədə Rusiya prezidentinin köməkçisi Yuri Uşakov məlumat verib.
Uşakovun açıqlamasına görə, qapalı formatda keçirilən danışıqlar zamanı tərəflər Ukrayna münaqişəsinin həlli ilə bağlı mövqelərini bölüşüblər. Söhbət zamanı ikitərəfli münasibətlər və Çin lideri Si Cinpinlə nəzərdə tutulan üçtərəfli görüşə hazırlıq məsələləri də gündəmə gəlib.
Rusiya rəsmisi danışıqlardan sonra Vladimir Putinin əhvalının yüksək olduğunu bildirib. Onun sözləri ilə desək, prezident görüşdən olduqca müsbət təəssüratla ayrılıb.
Görüş Çinin Şençjen şəhərində keçirilən Asiya-Sakit Okean İqtisadi Əməkdaşlıq Təşkilatının (APEC) sammiti çərçivəsində baş tutub.
Bununla belə, danışıqların yekununda Ukrayna müharibəsinin dayandırılması ilə bağlı konkret razılaşmanın əldə edildiyi açıqlanmayıb. Tərəflərin müzakirələrinin real nəticələrinin növbəti diplomatik təmaslarda aydınlaşacağı gözlənilir.
Nuri
Gundelik.az