Türkiyə Böyük Millət Məclisi oktyabrın 1-dək tətilə buraxılıb.
Bu barədə Gundelik.az Türkiyə mətbuatına istinadən xəbər verir.
Gərgin gündəm üzərində işləyən millət vəkilləri büdcə müzakirələrindən tutmuş məhkəmə reqlamentinə qədər bir çox mühüm məsələlərə diqqət yetiriblər. Bu dövrdə çoxsaylı istintaq komitələri də yaradılıb.
Büdcə danışıqları iki aylıq gecə-gündüz marafonundan sonra yekunlaşıb. 2025-ci ilin büdcəsi təsdiq edilib.
Cəmiyyətdə cəzasızlıq anlayışına son qoymağa yönəlmiş qaydalar qüvvəyə minib.
10-cu Məhkəmə İslahatı Paketi iki ildən az müddətə azadlıqdan məhrum edilmiş şəxslərin daha qısa müddətə də olsa, həbsdə qalmasını təmin edib.
Türkiyənin ilk iqlim qanunu da bu dövrdə qəbul edilib. Bu qanun iqlim dəyişikliyi ilə mübarizə üçün milli strategiyanın yaradılması məqsədi daşıyır. Hər vilayətdə bir qubernatorun başçılığı ilə İqlim Dəyişikliyi Koordinasiya Şurasının yaradılması qərara alınıb.
Dövr ərzində minimum əmək haqqı 16 min 881 lirə olaraq müəyyən edilib.
Kibertəhlükəsizlik haqqında qanun qəbul edilib. Qanun Türkiyənin kiberməkanda milli gücünə qarşı daxili və xarici təhdidlərin aşkarlanaraq aradan qaldırılmasını təmin edəcək. Kibertəhlükəsizlik Şurasının yaradılması ilə bağlı prinsiplər də bu qanunla tənzimlənir.
Gundelik.az
