O, Cənubi Afrikanın Keyptaun şəhərində, martın 20-də səhər saatlarında ailəsinin əhatəsində dünyasını dəyişib.Jordan son 12 ay ərzində aqressiv prostat xərçəngi ilə mübarizə aparırdı. Eddie Jordan 1948-ci ildə İrlandiyanın Dublin şəhərində anadan olub.Əvvəlcə Bank of Ireland-da işləsə də, sonradan avtomobil yarışlarına maraq göstərərək bu sahəyə yönəlib.O, 1991-ci ildə Jordan Grand Prix komandasını qurub və komandası 2005-ci ilə qədər Formula 1-də yarışıb. Jordan Grand Prix komandası, dörd dəfə Qran Pri qalibi olub və Michael Schumacher-in Formula 1-də debüt etməsinə şərait yaradıb.2005-ci ildə komandasını satdıqdan sonra o, televiziya ekspertliyinə keçərək BBC Sport və daha sonra Channel 4 üçün çalışıb. Jordan motor idmanına təkcə komanda sahibi kimi deyil, həm də dizayner və sürücülərin inkişafında böyük rol oynayan şəxs kimi töhfə verib.Onun vəfatı Formula 1 icması tərəfindən dərin hüznlə qarşılanıb, Damon Hill, Christian Horner və bir çox digər məşhurlar onun idmana olan misilsiz təsirini vurğulayıblar.
Subyekt.az
