Azərbaycan Respublikasının Mənzil İnşaatı Dövlət Agentliyi (MİDA) Hövsan və Binəqədi yaşayış komplekslərində analoji mənzillərin bazardakı hazırkı orta qiymətlərini araşdırır.
Gundelik.az-ın əldə etdiyi məlumata görə, bu məqsədlə Hövsan Yaşayış Kompleksinin ikinci mərhələsinin yerləşdiyi 18,81 hektar və Binəqədi Yaşayış Kompleksinin yerləşdiyi 9 hektar ərazilərdə bazar araşdırması aparılacaq.
Araşdırmanın həyata keçirilməsi “MBA LTD” MMC-yə həvalə olunub. Xidmətin dəyəri 1 180 manat təşkil edir.
Araşdırma çərçivəsində sözügedən yaşayış komplekslərindəki mənzillərlə eyni və ya oxşar xüsusiyyətlərə malik mənzillərin hazırkı orta bazar qiymətlərinin müəyyənləşdirilməsi nəzərdə tutulur.
