İsti havalarda orqanizmin həddindən artıq qızması isti vurmasına, daha ağır hallarda isə günvurmaya səbəb olur.
İsti vurması ilə günvurmanın fərqi nədir?
İsti vurması zamanı bədən temperaturu idarə etməkdə çətinlik çəkir. Əlamətləri:
Güclü tərləmə
Baş ağrısı
Başgicəllənmə və çaşqınlıq
İştahasızlıq və ürəkbulanma
Qol, ayaq və qarında qıcolmalar
Sürətli nəbz və ya nəfəsalma
38°C və ya daha yüksək hərarət
Güclü susuzluq
Kiçik uşaqlar isə halsız, yuxulu və süst görünə bilərlər.
Günvurma əlamətləri
Bu, təcili tibbi yardım tələb edən həyati təhlükəli vəziyyətdir.
Aşağıdakı əlamətlər müşahidə olunarsa dərhal təcili yardım çağırın:
Sərin yerdə dincəlib su içdikdən sonra 30 dəqiqə ərzində yaxşılaşmamaq
Həddindən artıq isti hiss etməsinə baxmayaraq tərləməmək
40°C və ya daha yüksək hərarət
Nəfəs darlığı və ya çox sürətli nəfəsalma
Güclü çaşqınlıq
Qıcolma
Huşun itməsi
Cavab verməmək və ya reaksiyasız qalmaq
İsti vurması zamanı ilk yardım
Əgər şəxsdə isti vurması əlamətləri varsa:
Onu dərhal sərin və kölgəli yerə aparın.
Artıq paltarlarını çıxarın və dərisinin mümkün qədər açıq qalmasını təmin edin.
Dərisini sərinlədin:
Nəm dəsmal və ya süngərlə silin.
Soyuq su püskürdün.
Boyun və qoltuqaltı nahiyəsinə soyuq kompres qoyun.
Lazım gələrsə, sərin və nəm çarşafa bükün.
Dərisi nəm olarkən yelpiklə və ya ventilyatorla hava verin.
Şəxs ayıqdırsa, ona su və ya rehidratasiya məhlulu içirin.
Tam yaxşılaşana qədər yanında qalın.
Adətən vəziyyət 30 dəqiqə ərzində yaxşılaşmalıdır.
Nə vaxt təcili yardım çağırmaq lazımdır?
Əgər şəxs 30 dəqiqə ərzində özünə gəlmirsə və ya günvurma əlamətləri yaranırsa, dərhal təcili tibbi yardım çağırın.
Mənbə:BBC
Hazırladı:Ziyalə Əhmədli
Gundelik.az
