İsrail ordusu əsgər çatışmazlığının vəziyyəti qeyri-sabit etdiyini və daha çox əsgərin cəlb olunmasına imkan verən qanunvericiliyin qəbul edilməsinə ehtiyac olduğunu bildirdi.Kanal 12 televiziya xəbərlərinə görə,İsrail Ordu Mətbuat konfransında sözçü Effie Defrin bildirib ki, “Qoşun çatışmazlığı var və bu vəziyyət artıq bizim üçün davamlı deyil”.Orduda 12-15 min əsgər çatışmazlığı olduğunu qeyd edən Defrin, hərbi xidmətdən azad olan ultra-ortodoks yəhudiləri (Haredim) ətrafındakı müzakirələrə işarə edərək, “Daha çox əsgərin orduya qoşulmasına imkan verən bir qanuna ehtiyacımız var” dedi.İsraildə Haredi yəhudiləri hərbi xidmətdən azaddırlar və dini partiyalar Baş nazir Benyamin Netanyahuya bu azadlığı qoruyub saxlayan qanunvericilik qəbul etməsi üçün təzyiq göstərirlər. Lakin müxalifət əhalinin bütün təbəqələri üçün məcburi hərbi xidmətin tərəfdarıdır.İsrail Baş Qərargah Martın 26-da Baş Qərargah rəisi Eyal Zamir İsrail ordusunun böyük bir kadr böhranı ilə üzləşdiyini bildirərək əlavə etdi: “Əgər kadr böhranına həll yolu tapmasaq, ordu dağılacaq”.İsrail ordusunun İrana qarşı hücumlarını davam etdirərək Livanda quru hücumu başlatmasına baxmayaraq, ciddi kadr böhranı ilə üzləşdiyini qeyd edən Zamir xəbərdarlıq edərək bildirib ki, “Daha çox kadr və əsgərə ehtiyacımız var; həll yolu tapılmasa, ordu daxildən çökəcək”.
Mənbə: TRT Haber
Hazırladı: Jalə Əliyeva
Gundelik.az
