Hacıqabul və Salyan rayonları ərazisində Ələt Azad İqtisadi Zonası üçün ayrılmış ərazilərə düşən elektrik veriliş xətləri və qurğuları köçürüləcək.
Gundelik.az-ın məlumatına görə, görüləcək işlər çərçivəsində eyni zamanda perspektiv kabel kanalları quraşdırılacaq.
Belə ki, “Azərişiq” Açıq Səhmdar Cəmiyyəti (ASC) artıq bununla bağlı müvafiq işləri yekunlaşdırıb.
ASC sözügedən işlərin icrasını “Star-Plas” Məhdud Məsuliyyətli Cəmiyyətinə (MMC) həvalə edib və müqavilə bağlayıb.
Müqaviləyə əsasən, şirkətə 10,5 milyon manat ödənilib.
İşlərin həvalə olunduğu şirkət 2009-cu ildə dövlət qeydiyyatına alınıb. Nizamnamə kapitalı 20 manat olan MMC-nin qanuni təmsilçisi Abbasov Zaur Aydın oğludur.
