Respublikanın bir sıra təhsil müəssisələrində təmir, kommunal-kommunikasiya və abadlıq, həmçinin təmir işləri aparılacaq.
Gundelik.az-ın məlumatına görə, bununla bağlı müvafiq prosedura start verilib.
Belə ki, Kürdəxanı qəsəbəsi 113 nömrəli məktəb-lisey, Binəqədi rayonu 103, 244, 276, 283 nömrəli, Lənkəran rayonu Şağlaküçə 4 saylı tam orta ümumtəhsil məktəbi, 9 saylı tam orta məktəb, həmçinin Qobustanda və başqa təhsil müəssisələrində təmir, kommunal-kommunikasiya işləri həyata keçiriləcək.
Sözügedən layihənin həyata keçirilməsinə xərclənəcək ilkin ehtimal olunan məbləğ 16 milyon 786 min 903 manatdır.
