Azərbaycanın azad edilmiş ərazilərində qara və əlvan metalların geoloji axtarışı və qiymətləndirilməsi işləri aparılacaq.
Gundelik.az-ın məlumatına görə, qeyd olunan xidmətlər çərçivəsində buruq qazma və köməkçi işləri həyata keçiriləcək.
Belə ki, sözügedən işlər Ağdam və Ağdərə rayonları ərazisində yerləşən Qalayçılar sahəsində, Xocavənd rayonunun Qızılqaya və Binə sahələrində, Laçın rayonunun Köhnəkənd sahəsində icra ediləcək.
Artıq bununla bağlı Geoloji Kəşfiyyat Agentliyi müvafiq işləri yekunlaşdırıb.
Agentlik qeyd olunan işlərin icrasını “Drill Support” Məhdud Məsuliyyətli Cəmiyyətinə (MMC) həvalə edib və müqavilə bağlayıb.
Müqaviləyə əsasən, MMC-yə 185 173 manat ödənilib.
Gundelik.az
