Ötən il Azərbaycanda bütün maliyyə mənbələri hesabına tikilmiş mənzillərin sayı 20,1 min ədədə bərabər olub.
Gundelik.az-ın Dövlət Statistika Komitəsinə istinadən məlumatına görə, bu sayda mənzillərin orta ölçüsü 117,2 kvadrat metr təşkil edib.
2023-cü ildə isə ölkədə orta ölçüsü 109,5 kvadrat metr olan 22,7 min ədəd mənzil tikilib istifadəyə verilib.
Rəqəmlərdən də göründüyü kimi 2023-cü illə müqayisədə ötən il ölkədə tikilmiş mənzillərin sayı 2,6 min ədəd və ya 11,5% azalıb.
Xatırladaq ki, 2020-ci ildə Azərbaycanda bütün maliyyə mənbələri hesabına tikilmiş mənzillərin sayı 50,4 min ədəd, 2021-ci ildə 16,7 min ədəd, 2022-ci ildə isə 25,3 min ədəd təşkil etmişdi.
Beləliklə, son 5 ildə ölkədə bütün maliyyə mənbələri hesabına tikilmiş mənzillərin sayı 30,3 min ədəd və ya 2,5 dəfə azalıb.
Gundelik.az
