Ötən il Azərbaycanda mədənçıxarma sektorunda 29,063 milyon ton neft, 38,669 milyard kub metr əmtəəlik qaz hasil edilib.
Bu barədə Gundelik.az Dövlət Statistika Komitəsindən məlumat əldə edib.
Məlumata görə, 2023-cü ildə isə ölkədə 30,147 milyon ton neft, 36,414 milyard kub metr əmtəəlik qaz istehsal edilib.
Rəqəmlərdən aydın olur ki, illik müqayisədə ölkədə neft hasilatı 1,084 milyon ton və ya 3,6% azalıb, əmtəəlik qaz hasilatı isə 2,254 milyard kub metr 6,2% artıb.
Məlumata əsasən, Azərbaycanda 2020-ci ildə 34,532 milyon ton neft, 26,487 milyard kub metr əmtəəlik qaz, 2022-ci ildə isə bu göstərici müvafiq olaraq 32,646 milyon ton və 34,955 milyard kub metrə bərabər olub.
Beləliklə son 5 ildə ölkədə neft hasilatı 5,469 milyon ton və ya 15,8% azalıb, əmtəəlik qaz hasilatı isə 12,181 milyard kub metr və ya 46% artıb.
Gundelik.az
