Ay ekspedisiyaları üçün zəruri olan atom elektrik stansiyası (AES) 2030-2032-ci illərin sonuna yaradıla bilər.
Gundelik.az xəbər verir ki, bu barədə “Roskosmos” korporasiyasının rəhbəri Dmitri Bakanov RBC-TV-yə bildirib.
O qeyd edib: “Yerdəki hər şeyi işləmək vacibdir ki, kosmosda risk olmasın”.
Bakanov vurğulayıb ki, Aya endirilə bilən atom elektrik stansiyası müstəqil işləyə bilən və insanın gəlməsini gözləyə bilən infrastruktur modullarını enerji ilə təmin edəcək.
Onun sözlərinə görə, bu istiqamətdə işlər “Roskosmos”, Kurçatov İnstitutu və Rosatom tərəfindən birgə “Kosmik Atom” federal layihəsi çərçivəsində aparılır.
Gundelik.az