Avrozonada illik inflyasiya dekabr ayında 2 faizə enib.
Gundelik.az xəbər verir ki, bu barədə Avropa Statistika İdarəsi (Eurostat) dekabr ayı üçün Avrozonada ilkin inflyasiya məlumatlarını açıqlayıb.
Müvafiq olaraq, Avrozonada illik inflyasiya noyabr ayında 2,1 faizdən 2 faizə düşüb. Aylıq inflyasiya isə 0,2 faiz təşkil edib.
Dekabr ayında inflyasiya Almaniyada 2 faiz, Fransada 0,7 faiz, İtaliyada 1,2 faiz və İspaniyada 3 faiz təşkil edib.
Qeyd edək ki, Avropa Mərkəzi Bankının Avrozona üçün inflyasiya hədəfi 2 faizdir.
