Prezident yanında Antiinhisar və İstehlak Bazarına Nəzarət Dövlət Agentliyi “Araz Supermarket” Məhdud Məsuliyyətli Cəmiyyətində (MMC) qanun pozuntusu aşkarlayıb.
Gundelik.az xəbər verir ki, buna görə də agentlik avqustun 19-da marketlər şəbəkəsi barəsində İnzibati Xətalar Məcəlləsinin (İXM) 447.0.1-ci maddəsinə əsasən cərimə protokolu tərtib edib.
Cərimə protokolu “Araz Supermarket”in məhsulu üzərində göstərilmiş qiymətdən baha satdığına görə tərtib olunub.
Xatırladaq ki, Antiinhisar və İstehlak Bazarına Nəzarət Dövlət Xidməti bundan əvvəllər də “Araz Supermarket” barəsində qanunvericiliyin həm yuxarıda qeyd olunan maddəsinin, həm də digər maddələrinin pozulması əlamətləri üzrə iş qaldırıb.
Gundelik.az