Avstraliyanın kapitallaşmaya görə dördüncü ən böyük bankı ANZ Group genişmiqyaslı restrukturizasiya planlarını açıqlayıb.
Gundelik.az xəbər verir ki, plana əsasən, bank işçilərinin 8%-dən çoxunu ixtisar etməyi və təxminən 370 milyon ABŞ dolları məbləğində xərcləri əks etdirməyi nəzərdə tutur.
Bankın açıqlamasına görə, bu ayın sonuna kimi təxminən 3,500 işçi şirkəti tərk edəcək. Eyni zamanda, bank məsləhətçilər və podratçılarla əməkdaşlığı da dayandırmağı planlaşdırır ki, bu da əlavə olaraq 1,000 nəfərin işinə təsir göstərəcək.
Maliyyə ilinin birinci yarısının (aprel-sentyabr) nəticələrində bank 560 milyon Avstraliya dolları (təxminən 369 milyon ABŞ dolları) restrukturizasiya xərclərini açıqlayacaq.
“The Wall Street Journal”ın məlumatına görə, ANZ son illərdə işçi sayını sürətlə artıraraq keçən ilin sentyabrında işçilərinin sayını 42,400-ə çatdırıb ki, bu da daha böyük rəqibləri Westpac və NAB-dan çoxdur.
Sidneydə çərşənbə axşamı keçirilən ticarətdə ANZ Bankın səhmləri 0,2% ucuzlaşıb. Bankın bazar kapitallaşması isə ilin əvvəlindən 15,2% artıb.
Gundelik.az
