ABŞ-də ilk dəfə işsizlik müavinəti üçün müraciət edənlərin sayı ötən həftə 7 min nəfər artaraq 226 minə çatıb.
Gundelik.az xəbər verir ki, bu barədə ABŞ Əmək Departamenti məlumat yayıb.
Yenilənmiş statistikaya görə, əvvəlki həftənin göstəricisi 218 min deyil, 219 min olub. Analitiklər isə müraciətlərin sayının 221 minə yüksələcəyini proqnozlaşdırırdı.
Dörd həftəlik orta müraciət sayı isə 221,250-dən 220,750-yə enib.
İyulun 26-da başa çatan həftədə işsizlik müavinətini almağa davam edənlərin sayı 1,974 milyona yüksəlib. Bu göstərici əvvəlki həftə üçün 1,936 milyon kimi yenilənib. Mütəxəssislər bu rəqəmin 1,946 milyondan 1,950 milyona yüksələcəyini gözləyirdilər.
Gundelik.az