ABŞ-ın Yaxın Şərqə əlavə 10.000 əsgər göndərmək və İrana qarşı mümkün quru əməliyyatına başlamaq planı hələ də aktual mövzu olaraq qaldığı bir vaxtda Rusiyadan sərt xəbərdarlıq gəlib. Moskva belə bir addımın bölgədə “dəhşətli nəticələrə” səbəb olacağını bildirib.ABŞ İranla danışıqları davam etdirərkən, Pentaqonun Yaxın Şərqə əlavə 10.000 əsgər göndərməyi nəzərdən keçirdiyi bildirilir; Rusiya mümkün quru əməliyyatı ilə bağlı sərt xəbərdarlıq edib.
İRAN 10.000 ƏSGƏR İLƏ HƏDƏLƏNDİRİLİB.
ABŞ və İran arasında danışıqlar davam edərkən, Pentaqonun Yaxın Şərqdəki hərbi mövcudluğunu artırmaq üçün təxminən 10.000 əlavə əsgər yerləşdirməyi düşündüyü iddia edilir. Planın Vaşinqtonun danışıqlar masasında mövqeyini gücləndirmək məqsədi daşıdığı deyilir.
ABŞ Müdafiə Nazirliyinin bölgədə hərbi imkanları artırmaq üçün yeni bir plan üzərində işlədiyi bildirilir. “Wall Street Journal” qəzetinin məlumatına görə, Vaşinqton administrasiyası eyni zamanda diplomatik səylər göstərir və hərbi variantları müzakirə mövzusu edir.Hesabatda bildirilir ki, Pentaqon Donald Trampa daha geniş hərbi seçimlər təqdim etmək üçün Yaxın Şərqə təxminən 10.000 əlavə əsgər göndərməyi nəzərdən keçirir. Bu qoşunlar əvvəllər planlaşdırılan təxminən 5000 dəniz piyadası və 82-ci Hava-Desant Diviziyasından minlərlə əsgərin yerləşdirilməsi ilə yanaşı, əlavə olaraq da yerləşdirilə bilər.
ONLARIN HANSI ÖLKƏLƏRƏ GÖNDƏRİLƏCƏYİ MƏLUM DEYİL.
Bölgədəki gücləndirmə qüvvələrinin hansı ölkələrə və ya bazalara yerləşdiriləcəyi ilə bağlı hələlik dəqiq bir açıqlama verilməyib. Ağ Evin mətbuat katibinin müavini Anna Kelli Pentaqon tərəfindən rəsmi açıqlamalar veriləcəyini bildirib və prezidentin bütün hərbi seçimlərinin olduğunu vurğulayıb.
Digər tərəfdən, əvvəllər ABŞ ordusunun “sürətli reaksiya qüvvəsi” kimi tanınan 82-ci Hava-Desant Diviziyasından təxminən 3000 əsgərin bölgəyə yerləşdirilməsinin planlaşdırıldığı iddia edilmişdi.
RUSİYADAN GÜCLÜ REAKSİYA.
Bu arada Rusiya ABŞ-ın İrana qarşı mümkün quru əməliyyatının region üçün “dəhşətli nəticələrə” səbəb olacağı barədə xəbərdarlıq edib.
Mənbə: Haberler.com
Tərtib etdi: Jalə Əliyeva
Gundelik.az
